U mblodh sot në mjediset e Qendrës Kombëtare të Librit dhe Leximit juria vlerësuese e Çmimeve Kombëtare të Letërsisë për vitin 2025.
Juria në mbledhjen e parë u njoh me rregulloren për mënyrën e funksionimit të projektit kulturor “Çmimet Kombëtare të Letërsisë” për vitin 2025, për kushtet, masat e shpërblimit dhe mënyrën e funksionimit të jurisë.
Këtë vit, Çmimet Kombëtare të Letërsisë janë të ndara në kategori, si më poshtë:
a. Proza e gjatë
b. Proza e shkurtër
c. Poezia
d. Kritikë, studime letrare, ese
e. Letërsia për fëmijë dhe të rinj
f. Përkthimi.
Jurisë qendrore vlerësuese i është bashkëngjitur një juri fëmijësh të zgjedhur nga shkolla të ndryshme pas konsultimit me Ministrinë e Arsimit.
Ftojmë botuesit të sjellin pranë Qendrës Kombëtare të Librit dhe Leximit listat e botimeve në këto kategori për vitin 2025 si dhe librat fizikë (2 kopje) ose në format PDF.
Bashkëngjitur gjeni rregulloren.
