Mbështetje financiare mbi projekte në fushën e librit dhe leximit 2025
Në zbatim të misionit të saj, QKLL-ja shpall thirrje për mbështetje financiare të projekteve në fushën e librit dhe leximit 2025.
Ftojmë të gjithë të interesuarit që të paraqesin projektet e tyre, shoqëruar me dokumentet përkatëse:
Dokumentet që duhet të dorëzohen në momentin e aplikimit të projektit, nga aplikantët:
- Formulari i aplikimit, plotësuar sipas të gjitha kërkesave të paraqitura aty;
- Projekt-propozimi;
- Projektet të jenë të ndërtuara mbi bazën e të gjitha pikave të përcaktuara në Formën e Aplikimit;
- Preventivi total i detajuar në të gjithë zërat e tij;
- Deklarata mbi të ardhurat e projektit, nëse ka, si do të përdoren këto të ardhura;
- Fotokopje të kartës së identitetit ose pasaportës të aplikantit;
- Kopje e dokumentit të regjistrimit në organin tatimor (NIPT);
- Në rast se aplikimi bëhet nga një individ, shoqërohet me një biografi personale dhe të aktivitetit artistik);
- Deklaratë e individit mbi të drejtat e autorit;
- Numri i Llogarisë Bankare ku do të bëhet derdhja e fondeve të kërkuara (IBAN – lek);
Dokumentacioni që duhet të dorëzohet pas kryerjes së aktivitetit nga fituesi i projektit
- Në rastin kur është botues, biznes ose person juridik duhet të lëshojë një faturë të fiskalizuar për QKLL-në për shumën që është mbështetur nga Kolegjiumi;
- Fotokopje e licencës e atij që ka lëshuar faturën;
- Borderotë, përveç emrit, mbiemrit, firma dhe numrit të pasaportës së personit, duhet të mbahet edhe 15 % i tatimit mbi të ardhurat, fotokopje pasaporte;
- Relacion mbi zhvillimin e aktivitetit dhe impakti i tij në publik dhe marrjen në dorëzim të projektit;
- foto dhe materiale të tjera, dokumentare mbi zhvillimin e aktivitetit.
Aplikimet duhet të dorëzohen në adresën: Qendra Kombëtare e Librit dhe Leximit Rruga“Papa Gjon Pali II”, 1010, Tiranë dhe në [email protected]
Aplikoni:
