Të rinjtë sugjerojnë
-Të rinjtë veprojnë
-Të rinjtë ndikojnë
A është e vërtetë se rinia sot lexon më pak se dje?
A është e vërtetë se libri sot është e vështirë të konsiderohet pasion?
Cilat janë rrugët që mund të ndikojnë në rikthimin e vëmendjes te libri?
Për këto dhe të tjera, gjithnjë lidhur me librin dhe leximin, u diskutua në datën 9 tetor, në njërën nga seancat e festivalit TIRANA GATE, në mjediset e Vila 31 Art Explora…
Nën moderimin e drejtoreshës së QKLL, znj. Arta Marku, një panel energjik dhe i guximshëm, me mendime herë të përputhshme e herë kundërshtare, shenjoi problematikat:
-Çfarë nuk shkon me leximin?
-Çfarë modeli duhet të ofrojë familja?
-Çfarë modeli duhet të ofrojë shkolla?
-A i kanë, tekefundit, modelet e duhura të rinjtë?
Paneli kishte në përbërje 5 prej anëtarëve të “KLUBIT KOMBËTAR RINOR TË LEXIMIT” si një strukturë e ngritur pranë QKLL, Sarah Baka (Gjimnazi “Myslym Keta”, Tiranë), Keisi Muça (Shkolla 9-vjeçare Picar, Vorë), Sibora Xhaferaj (Gjimnazi “Myslym Keta”, Tiranë), Emanuel Murati (Shkolla “Asim Vokshi”, Liceu Francez, Tiranë) dhe Kejsi Saliu (Gjimnazi “A. Z. Çajupi”, Tiranë) të cilët u ballafaquan me moshatarët e tyre të shkollave “Petro Nini Luarasi” dhe “Asim Vokshi”.
Festivali Letrar Ndërkombëtar për të rinj TIRANA GATE, në edicionin e tij të 12-të, këmbëngul të thotë: MOS KUJTONI SE DO TE SHPETONI NGA LIBRAT…
