Në ambientet e jashtme dhe të brendshme të Akademisë së Shkencave të Shqipërisë, prej 22 prillit, mbahet Panairi V mbarëkombëtar i librit akademik dhe shkencor. Në të marrin pjesë rreth 40 institucione nga Shqipëria, Kosova, Maqedonia e Veriut dhe Mali i Zi, që promovojnë mbi 100 botime të reja.
Në çeljen e këtij panairi të organizuar nga Akademia e Shkencave e Shqipërisë (ASHSH), Akademia e Shkencave dhe Arteve të Kosovës (ASHAK) dhe Qendra Kombëtare e Librit dhe Leximit (QKLL) në Tiranë, morrën pjesë drejtues të institucioneve pjesmarrëse dhe të ftuar të shumtë.
Panairi ka bërë bashkë, botuesit përfaqësuesit e institucioneve, të organizmave shkencorë dhe të disa prej universiteteve shqiptare, me qëllim lehtësimin e qasjes së lexuesit ndaj librit akademik dhe shkencor, nga e gjithë hapësira shqipfolëse.
Fjala përshëndetëse u mbajt nga zv.kryetarit të Akademisë së Shkencave të Shqipërisë akademik, Vasil Tole, i cili tha se, ky panair është një moment reflektimi dhe promovimi i faktit se, në Shqipëri, Kosovë dhe kudo ku jetojnë shqiptarët, shkenca dhe shkencëtarët janë pjesë integrale e zhvillimit.
Fjalë përshëndetëse mbajtën edhe Kryetarja e Akademisë së Shkencave të Kosovës akademik, Justina Shiroka Pula, e Drejtoresha e Qendrës Kombëtare të Librit dhe Leximit, Arta Marku.
