Instituti i Librit dhe Promocionit dhe botimet Toena organizojnë në bashkëpunim me Qendrën Kombëtare të Librit dhe Leximit, të dielën më datë 4 dhjetor 2022, ora 11:00 në mjediset e Qendrës Kombëtare të Librit dhe Leximit, Ceremoninë e ndarjes së Çmimeve për Festivalin Letrar të të Rinjve “Tirana Gate 2022”, seksioni II, Edicioni VIII.
Gjithashtu, po në mjediset e QKLL-së u çelu ekspozita me kopertinat pjesëmarrëse dhe fituese të projektit letrar “Neighbours – Fqinjët”, ku u ekspozuan mbi 20 krijime të të rinjve të talentuar, mbi 7 titujt e botuar nga shkrimtarët e huaj pjesë të këtij projekti editorial.
Anëtarët e jurisë së ngritur nga Instituti i Librit dhe i Promocionit, Arta Marku dhe Alban Tufa shpërndanë certifikatat për fituesit në prozë, ese dhe poezi.
Tema e këtij edicioni KONFLIKT
NË PROZË
Çmimi i parë: BLEDAR BRUKA
Çmimi i dytë: JETLIRA AVDIAJ
Çmimi i tretë: TOMAS TUTULANI
NË POEZI
Çmimi i parë: ENXHI NAUM
Çmimi i dytë: LEONORA HAJRA
Çmimi i tretë: ERIOLA ÇOÇAJ
NË ESE
Çmimi i parë: MEGI LLESHI
Çmimi i dytë: LIARDA KONDAKÇI
Çmimi i tretë: JASMINA ÇERPJA
