Unë u rrita në këtë qytet, poezia ime lindi midis kodrës dhe lumit, ajo e mori zërin e saj nga shiu, dhe si pema ajo u rrit në pyje.
Pablo Neruda
Kristoffer Leandoer poet, një emër i njohur i kritikës botërore, është frymëzuar në vargjet e tij nga malet shqiptare, duke udhëtuar në thellësi të kulturës sonë, me një reflektim estetik, e filozofik mbi një bukuri të pashtershme që vjen nga natyra…
Njerëz të letrave, ambasadorë të huaj në vendin tonë, u bënë bashkë dje në një mbrëmje leximesh në hapësirat e Qendrës Kombëtare të Librit dhe Leximit, nga libri i tij “Gjashtëmbëdhjetë udhë përpjetë malit”, përkthyer në shqip nga Entela Tabaku.
