U mblodh sot Kolegjiumi i Qendrës Kombëtare të Librit dhe Leximit, nën drejtimin e zonjës Alda Bardhyli.
Qëllimi i mbledhjes së Kolegjiumit të QKLL-së ishte diskutimi për planet dhe aktivitetet e mëtejshme për 3 muajt e mbetur të vitit 2021, ndër të cilat më kryesori dhe i afërti është “Tetori i Librit”, një nga ngjarjet më të rëndësishme kulturore të botës letrare, tashmë një traditë e QKLL-së në mbështetje të letërsisë shqipe dhe shfaqjen e vlerave të saj.
