Qendra Kombëtare e Librit dhe Leximit dhe Muzeu Historik Kombëtar organizuan një aktivitet letrar në kujtim të poetit Fatos Arapi me rastin e datëlindjes së tij. Shkrimtarët Besnik Mustafaj dhe Diana Çuli, poetja Mimoza Ahmeti, studiesit e letërsisë Anila Mullaj dhe Behar Gjoka, Drejtori i Muzeut Historik Kombëtar zoti Dorian Koçi, si dhe botuesi Jani Malo kujtuan dhe vlerësuan figurën e tij si një ndër më të rëndësishmet e poezisë shqipe.
